河野公平自信爆燈:9個回合KO曹星如

作者:Zoey    發表日期:2018-11-16 15:06:33

曹星如力爭22連勝的對手河野公平,現時曾共出戰44場,戰績為33勝10負1和,當中包括14個KO,雖然他現時並未有任何冠軍頭銜或金腰帶在身,但實力不容忽視。這位36歲的日本拳手曾於2012年贏得WBA超蠅量級世界冠軍,並3次成功衞冕,不過就於去年8月不敵巴拿馬拳手Luis Concepcion而失去金腰帶;河野亦與現任WBO超蠅量級世界拳王井上尚彌於去年對戰過,可惜未能挑戰成功。

雖然牌面上未有佔優,但河野似乎對贏出勁有信心:「可以嘅話我想喺我有腰帶時同REX打,但依家我都會盡力打,我一定會贏呢場比賽,相信只需要9個回合就可以KO Rex,佢想挑戰世界冠軍就要過咗我呢關先!」河野指自己一直有留意Rex的比賽,知道他很有實力及氣勢,希望借今次賽事重拾自己鬥心:「今次作客賽事反而令我更有鬥志,加上我2個月前成為爸爸,當然想為囡囡去打贏比賽,屋企人亦會來港為我打氣。」

對於河野的豪言,Rex亦作出「神回應」:「我會堅持住,就算畀人擊倒都會企返起身!希望我嘅訓練會令我可以堅持到最後一刻,可唔可以KO對方,口講係冇用,係講臨場發揮同機會,我唔會諗咁多,將自己最好的嘢發揮出嚟,到時大家就知結果!」



本文來源:http://hk.on.cc/hk/bkn/cnt/sport/20170815/bkn-20170815170033550-0815_00882_001.html




Tag:
本文鏈接:http://www.premiumngifts.com/22927.html