休班警遇襲:勇街坊刀下救人捉疑兇手10分鐘

作者:June    發表日期:2019-05-15 08:39:26

英勇「大隻佬」鄰居刀下救人,鉗實疑兇手臂10分鐘。休班警負傷落樓梯逃走途中,遺下一條恐怖血路,在絕望之際,幸得男街坊挺身救回其一命。曾做過保安員的7樓街坊鄭先生,聽見走廊傳出咆哮聲及叫救命,衝出家門後以為是打劫,其後在梯間見到揸刀疑兇,即刻大叫「你咪郁呀」,疑犯當時很鎮定,鄭先生質問:「點解嚴重到要用刀」,但疑兇只應一句「你都知咩嘢事」,但始終無講原因。鄭雙手緊捉疑兇左手臂,足足角力10分鐘,又不敢張揚叫人報警,恐刺激疑兇反抗,「感覺上好似過咗成個鐘頭」,直至警員持盾牌到場拘捕疑兇。

有街坊指,做過保安的男街坊鄭先生(56歲)追出走廊救人,他初時以為是女人被搶或遇襲,其後見到鄰居吳太的兒子倒在5與6樓梯間,雖受傷但很淡定,並求救稱:「我頸傷咗,同我報警,我713嘅」,鄭不停安撫吳「好快有人嚟救你」,又叫他不要動,否則流血會更多。另一方面,鄭捉住疑兇的手臂,雙方角力10分鐘,當時梯間有數名南亞人,但並無施援,疑兇被鄭先生捉實手臂不放,先是「呆一呆」,但未有反抗,鄭勸疑兇「放低把刀,刺傷人唔緊要,刺死人好麻煩」,又問他「因乜事,咁大不了」,疑兇只答稱「你都知咩嘢事」。

有街坊稱:「成層樓都冇其他人出嚟睇過,最嬲係完全冇人出嚟,唔知係咪扮瞓,啲南亞人起哄後全部返屋企」。街坊事後引述鄭先生說:「我初時以為人有人幫手,最恐怖係我捉住佢(疑兇),冇人喺度睇實」,曾擔心疑兇動刀反抗,鄭一度做好與疑兇肉搏的準備,直至有女街坊落樓通知保安及報警。警察到場後,用盾牌拍落疑兇並將其拘捕。


本文來源:http://hk.on.cc/hk/bkn/cnt/news/20171024/bkn-20171024000301813-1024_00822_001.html




Tag:
本文鏈接:http://www.premiumngifts.com/30939.html